Total results:
    Search
      Total results:

      Mentor Gwirfoddol, Prosiect SwyddSynnwyr

      View this page in English

      Mae SwyddSynnwyr yn fenter gan Lywodraeth Cymru a Chronfa Gymdeithasol Ewrop, a ddatblygwyd gan Gweithredu ar Golled Clyw Cymru, Asiantaeth Cyflogaeth â Chymorth Elite a’r Ganolfan Arwyddo, Golwg a Sain (COS), i gynorthwyo pobl sy’n Fyddar neu sydd â cholled clyw, sydd â thinitws, sydd â cholled golwg neu sy’n Ddall a Byddar, i ganfod gwaith cyflogedig neu i gael at addysg, hyfforddiant a phrofiad gwaith. Mae’r project hefyd yn darparu cymorth a chefnogaeth i gyflogwyr sy’n gweithio â phobl sydd â nam ar y synhwyrau. Diben y rôl wirfoddol hon yw helpu a chefnogi’r tîm SwyddSynnwyr i gyflenwi’r prosiect yn llyfn.

      Apply now

      Gorchwylion:

      • Cyfarfod yn rheolaidd â chleientiaid i ddarparu cymorth, fel y bo’i angen.
      • Cadw llygad ar y cynnydd yn unol â GDPR (Y Rheoliad Cyffredinol ar Ddiogelu Data) a pholisïau cyfrinachedd.
      • Bod yn rhan o fonitro a gwerthuso.

      Sgiliau sydd eu hangen:


      • Angerddol dros waith elusennau, yn enwedig Gweithredu ar Golled Clyw
      • Gwrandäwr da
      • Defnyddiwr Iaith Arwyddion Prydain (Manteisiol)
      • Bod yn gallu magu hyder a pherthynas weithio dda rhwng unigolion a sefydliadau.

      Lleoliad:

      Mae’n gweithredu ar hyn o bryd ym Mro Morgannwg, Caerdydd, Casnewydd, Sir Fynwy, Powys, Wrecsam neu Sir y Fflint.

      Amser:

      Mae ymrwymiad o dri mis yn ofynnol oherwydd natur y rôl.

      Trafnidiaeth:

      Bydd arnoch angen gallu teithio eich hun i’r lleoliad gwirfoddoli, boed hynny â char neu drafnidiaeth gyhoeddus. Ad-delir treuliau a achoswyd ichi, yn unol â ‘Pholisi Teithio a Lluniaeth’ Gweithredu ar Golled Clyw.

      Cymorth a goruchwyliaeth:


      Bydd cymorth ar gael gan Gydgysylltydd y Gwirfoddolwyr a thîm SwyddSynnwyr, ynghyd â staff ehangach Gweithredu ar Golled Clyw, fel a phan fo’i angen.

      Hyfforddiant/Dysgu y bydd ei angen:

      Mae Gweithredu ar Golled Clyw yn cynnig hyfforddiant llawn, parhaus i’r holl wirfoddolwyr, yn cynnwys hanner diwrnod o gynefino, ac wedyn rhagor o hyfforddiant sy’n benodol i’r rôl o wirfoddoli. Gall hyn gynnwys:
      • Darparu hyfforddiant llawn ar dechnoleg, gwasanaethau ar-lein, a chyflenwi hyfforddiant a chymorth
      • Hyfforddiant achrededig mewn “Deall Colled Clyw” a “Cynllunio Digwyddiad”
      • Mynediad at “Porth Sgiliau,” a phorthol e-ddysgu gyda mynediad at gannoedd o wahanol unedau a phynciau
      • Cyfleoedd i fynychu sesiynau a gynhelir gan Gweithredu ar Golled Clyw, yn cynnwys “Gwrandawyr Bywiog” a “Technoleg Clyw”.

      Buddion: beth fyddwch yn ei ennill drwy ddod yn wirfoddolwr i SwyddSynnwyr yn Gweithredu ar Golled Clyw?

      • Hyfforddiant – dysgu sgiliau newydd ac ennill gwybodaeth hollol gyfoes am faterion sy’n effeithio ar bobl fyddar a thrwm eu clyw
      • Profiad – cyfarfod â phobl newydd mewn gwahanol sefyllfaoedd a magu cyfeillgarwch newydd
      • Gwybod y bydd yr wybodaeth rydych yn ei darparu yn gwneud gwir wahaniaeth i’r rheiny sydd yn ei derbyn
      • Rhoi yn ôl i’ch cymuned leol
      • Cyfle i roi cynnig ar rolau gwirfoddoli eraill yn Gweithredu ar Golled Clyw
      • Treuliau – caiff yr holl dreuliau a achoswyd o ganlyniad i’ch gwaith gwirfoddoli eu had-dalu, yn unol â Pholisi Treuliau Gweithredu ar Golled Clyw

      Beth nesaf?

      Diolch am gymryd yr amser i ddarllen y manylion hyn. A ydych yn barod i wneud cais am y rôl hon?
      Ardderchog!

      Cwblhewch ein ffurflen gais ar-lein, os gwelwch yn dda, neu, os oes gennych ddiddordeb ac fe hoffech sgwrs anffurfiol, cofiwch gysylltu â ni. Byddem wrth ein bodd o glywed gennych.

      E-bost: volunteering.wales@hearingloss.org.uk

      Ffôn: 02920 523141

      Gwirfoddoli â SwyddSynnwyr
      Gweithredu ar Golled Clyw Cymru
      Llys Angor (Gogledd), Llawr Daear
      Heol Keen
      Caerdydd, CF24 5JW

      Apply now
      View this page in English